今日帶大家走訪深圳福田區新洲村，探秘這條城中村裡的隱世美食 —— 開業廿五年的「客家名棧」。講到深圳客家菜，這間始創於 1999 年的老店可謂無人不曉，不僅客家菜做得正宗，湯品更是街坊鄰里的最愛。
未入店已感受到人氣旺場，傍晚六點到達時店內早已座無虛席，幸好提前訂位先有得食！踏入店內瞬間有種穿越到香港舊式酒家的感覺，木製桌椅、熱鬧的用餐氛圍，加上服務員姐姐一口流利的正經廣東話，簡直以為返咗去香港茶樓。
客家名棧（截圖：遊手好閒@YouTube）
招牌鹽焗雞成搶手貨
招牌鹽焗雞（截圖：遊手好閒@YouTube）
來到客家菜館，鹽焗雞當然是必點！當日幸好趕上最後半隻雞，雞皮金黃油亮又薄身，一點都不肥膩。平時唔食雞皮的我都忍不住試一口，皮脆肉嫩帶住鹹香，肉質緊實彈牙，明顯是新鮮走地雞。配上薑蓉沙薑醬料，惹味到停唔到口，連雞胸肉都唔會乾柴，低溫焗製果然有功夫！
老火湯料足夠誠意
店內湯品果然名不虛傳！陳皮功夫湯用砂壺燉煮，揭蓋已聞到濃郁陳皮香，據說用咗十年陳皮，湯內有大片陳皮、瘦肉同骨排，28 元一壺夠晒抵食。飲落喉嚨清爽醒神，陳皮香完全滲入湯中，難怪成為招牌。另一款花膠羹更似濃郁魚翅羹，花膠軟滑有膠質，配料有栗子、薏米同菇類，鮮味十足，女士們必點養顏。
陳皮功夫湯（截圖：遊手好閒@YouTube）
花膠羹（截圖：遊手好閒@YouTube）
經典客家菜樣樣出色
客家釀豆腐同樣有水準，豆腐紮實不易碎，中間釀滿肉餡，煎得金黃香口。唔似外面加太多芡汁，簡單煎香已夠味，連底部黃豆都煎得香脆，配飯一流。豆豉紫蘇葉蒸竹腸更是驚喜，竹腸纖細爽彈，豆豉同紫蘇葉香氣十足，完全冇腥味，食過返尋味！
最後試的白切貴妃肉（豬頸肉）同樣驚喜，肉片切得超薄，白灼後完全冇騷味，表面灑滿芝麻，沾乾蔥醬油食，脆嫩不油膩，難怪老一輩食客特別鍾意。
白切貴妃肉（豬頸肉）（截圖：遊手好閒@YouTube）
街坊價夠抵食 懷舊氛圍滿分
（截圖：遊手好閒@YouTube）
全餐最驚喜是價錢亲民，大部分菜式幾十蚊有交易，連花膠羹都唔會貴到離譜。店內超多老街坊光顧，足以證明味道夠正宗。用餐時聽住周圍廣東話談笑，簡直有屋企聚餐的溫馨感覺。
想試正宗客家菜不必遠求，「客家名棧」就在福田新洲村福田教育局對面，地標清晰超好搵。記住要提前訂位，否則分分钟要等位！無論想回味香港舊式酒家氛圍，還是想試地道客家功夫菜，呢間二十年老店絕對值得專程一訪。
深圳福田城中村 隱藏26年客家老店 客家名棧🏮！味道環境情懷一絕🥢 連湯壺都充滿老香港年代感🇭🇰！
（聲明：文章只代表作者個人或機構，並不代表本報立場！）
